Ana səhifə BAŞ YAZI Bu adı yadda saxlayın: İsrail FƏRHAD!

Bu adı yadda saxlayın: İsrail FƏRHAD!

Müəllif: Bizim Yazı
295 baxış

(1985-ci ildə Xocalı rayonunun Cəmilli kəndində doğulub. Hazırda Bərdədə yaşayır. 2009-cu ildən Bərdə şəhərində fəaliyyət göstərən “Söz” ədəbi birliyinin üzvüdür)

TORPAĞIN SİNƏSİ QABARDI… 

Mübariz İbrahimovun əziz xatirəsinə

Sən öldün, nə dəyişdi ki?!
Heç nə!
Bir ürək qurtuldu açılıb-yığılmaqdan.
Göylər də bir adam boyda sıxılmaqdan.
Sən öldün, nə dəyişdi ki?!
Heç nə!
Sən demə,
heç sevən yox imis səni;
heç kim sənə ağlamadı,
hamı şəhid balasına ağladi.
Yolda qoyub getdiyin qara gözlərin sahibindən başqa…
Sən öldün, nə dəyişdi ki?!
Heç nə!
Bizim üzümüzü agartdın, atanın saçını.
Düşmənin ocagını qaraltdın,
dostaların qanını.
Sən öldün,  nə dəyişdi ki?!
Heç nə!
Torpağın sinəsi qabardı –
dünyanın şəkli dəyişdi…
Sən dünyanı dəyişdin.
Fani dünyanın üstündə can verib,
baqi dünyanı aldın.
Bu sövdədən uduzan olmadı.
Uduzmaq heç kimə olmadı qismət…
Udan oldu:
bir Sən, bir də Cənnət..!

 

***
…Sən qara dərili,
ağ günlü,
Mən ağ dərili,
qara günlü…
Şahmat lövhəsiyik –
illərdir üstümüzdə at oynadırlar.

You may also like

Şərh yaz

Layihə haqqında

Sayt Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə hazırlanmışdır.

Saytın məzmunu

Saytın məzmunu DGTYB İctimai Birliyinin cavabdehliyindədir, bu baxımdan saytın məzmunu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin mövqeyini əks etdirmir.

Bizim Yazı ©2022 – Bütün hüquqları qorunur.