Bu günlərdə Bakıda “Kreativ-innovativ «Qırmızı Kitab» adlı Ekoloji-ədəbi
almanax nəşr olunub.
YeniMedia.net portalı xəbər verir ki, bu barədə aktual layihə rəhbəri, tərtibçi və redaktoru, Yeni Yazarlar və Sənətçilər İctimai Birliyinin sədri, kitabxana.net portalının rəhbəri, Prezident təqaüdçüsü, yazıçı-kulturoloq Aydın Xan Əbilov məlumat verib.
«İmza» nəşrlər evi tərəfindən nəfis formada nəşr olunmuş “Kreativ-innovativ «Qırmızı Kitab» adlı Ekoloji-ədəbi almanax müxtəlif materialları özündə birləşdirir. Bu materiallarda ekologiya COP29, ətraf mühit məsələləri öz əksini tapıb.
Maarifə Hacıyeva, Aydın Xan Əbilov, Aqşin Yenisey, Qismət Rüstəmov, Ramal Əliyev və başqa müəlliflər yaşıl dünyamızın müxtəlif problemlərinə işıq salaraq planetimiz üçün narahatlıqları dilə gətiriblər.
Xatırladaq ki, kitab Azərbaycan Respublikasının Gənclər Fondunun maliyyə yardımı ilə Yeni Yazarlar və Sənətçilər İctimai Birliyi tərəfindən həyata keçirilən “Kreativ-innovativ “Qırmızı Kitab”: gənclərin ekoloji neo-maarifçilik hərəkatı” eko-kulturoloji layihə çərçivəsində çapa hazırlanmışdır.
Bu nəşr Azərbaycan Respublikasının Gənclər Fondunun maliyyə dəstəyi ilə hazırlanmışdır.
Kitabın elektron variantı ilə tanış olun: