Ana səhifə BAŞ YAZI yad maşınlardan ağlaya ağlaya düşən qız

yad maşınlardan ağlaya ağlaya düşən qız

Müəllif: Bizim Yazı
650 baxış

 

OKtay Hacımusalı

 

yad maşınlardan ağlaya ağlaya düşən qız
neçə məsum körpənin ruhu dolaşıb ayağına
düşürtdü səni
özün özündən iyrəndin
düşdün öz gözündən
sürücünün ehtiraslı
od alovlu baxışlarını
dolu dolu gözlərin öldürdü

 

yad maşınlardan ağlaya ağlaya düşən qız
kimə acıq eləmişdin axı kimə
bəndmişsən ki bircə himə
yanında yavaşıyan maşına əyləşməyin
donuq donuq baxa baxa heç nə demədən
keyləşməyin
halbahal elədi yazıq sürücünü
belə asan gözləmirdi ovunu düzü

yad maşınlardan ağlaya ağlaya düşən qız
gedəcəyin son dayanacaqdan geri qayıtmaq
mümkün deyildi özün bilirsən
səni
bala bala aldadacaqdılar
sonra
sonra
qəfildən atacaqdılar
anan namaz üstdə imiş
get nəzir çıxart
pay payla yeddi evə

yad maşınlardan ağlaya ağlaya düşən qız
son əmanət səndədir hələ ki
möhkəm dur möhkəm
səni sındıra bilməyəcəklər

You may also like

Şərh yaz

Layihə haqqında

Sayt Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə hazırlanmışdır.

Saytın məzmunu

 

Saytın məzmunu DGTYB İctimai Birliyinin cavabdehliyindədir, bu baxımdan saytın məzmunu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin mövqeyini əks etdirmir.

Bizim Yazı ©2022 – Bütün hüquqları qorunur.