“ŞƏMKİR ZİYALILARI” –

Tanınmış jurnalist, Azərbaycan Jurnalistlər Birliyinin üzvü, “Qızıl qələm” ödülü laureatı Afaq Cəfərovanın tərtibçiliyi ilə yenicə çapdan çıxan kitab belə adlanır.
Kitabın əvvəlində Şəmkir rayonu ərazisində hazırda mövcud olan tarixi və mədəniyyət abidələrinin, kənd və qəsəbələrinin siyahıları və jurnalist Müsəllim Həsənovun “Şəmkirin tarixi barədə nə bilirik?” yazısı yer alıb.
Sonra Şəmkir rayonunda dünyaya göz açan, hal-hazırda ölkənin müxtəlif yerlərində, müxtəlif sahələrdə çalışan ziyalılar haqqında ensiklopedik bilgilər verilir.
“Hər bir qaranlıq gecənin işıqlı bir sabahı var” adlı “ön söz”də bildirilir ki, “Şəmkir ziyalıları” Şəmkir rayonunundan, onun ziyalılarından bəhs edən tarixi bir kitabdır. Gələcəkdə kitabın ikinci hissəsi də hazırlanacaq.
“Apostrof”  mətbəəsində işıq üzü görən kitabın  redaktoru Billur Əhmədova, bədii redaktoru Məzahir Hüseynzadə, korrektoru Kifayət Dadaşova, foto-müxbir Davud Namazov, dizayneri Elnur İsayevdir.