Məhdimqulu Fəraqi
(1733 – 1797)
YUSİF DEYƏ-DEYƏ
Mən Yaqubam, ahi-zari
Çəkəm Yusif deyə-deyə,
Gözlərimin qanlı yaşın
Tökəm Yusif deyə-deyə.
Fələk ağlar göz yaşıma,
Nə sevda saldım başıma,
Məcnun olub dağ başına
Çıxam Yusif deyə-deyə.
Hər tərəfdən bölgə-bölgə,
Bulud oynar, salar kölgə,
On iki dağ, yeddi cülgə
Sökəm Yusif deyə-deyə.
Getdi Yusif gəlməz xəbər,
Duraram ağlar hər səhər,
Qala-qala, şəhər-şəhər
Sökəm Yusif deyə-deyə
Məgər Yusif düşdü çaya,
Camalın der, baxam aya,
İraq zəmin Kərbəlaya
Baxam Yusif deyə-deyə
