Ana səhifə YAZILAR Günay ÜMİD. Bir az sənə oxşayır darıxmağım…

Günay ÜMİD. Bir az sənə oxşayır darıxmağım…

Müəllif: Bizim Yazı
160 baxış

     İyunun istisinə bürünüb
          üşüyürəm həsrətinə…

Boyum ayrılıqdan çox kiçikdi…
Ayağımın altına
Ümidlərimi yığıb
pəncərədən boylanıram getdiyin tərəfə…

Bir az sənə oxşayır darıxmağım,
bir az mənə oxşayır nigaranlıgın.

Çoxdandır gözümdə bir yuxu yatır
lap çoxdan,
haçan ki ümidlərimi səndə unutdum,
haçan ki taleyimə toxunmağa basladın,
haçan ki yazılmamış şerlərimdə oxunmağa basladın
bax , o vaxtdan…
Ömrümün bütün vaxtlarını xərcləmək gəldi içimdən
son məktubunun eşqinə.

Bu gecə ölumlə qədəh – qədəhə
özümsüzlüyümə içdim son kəs…

Vərəq-vərəq danışdığın məktublarda
hərflər pıçıldadı səsini qulağıma.
mən böyqk hərflərlə darıxdım bu gecə,
sən kiçik həriflərlə pıçıldadıqca-
darıxdım…
darıxdım…
Açıq pəncərəmdən
otagıma xatirələr səpələndi
Üşüdüm…
Üşüdüm…
sənsiz darıxmaq, sənsiz üşümək, sənsiz yaşamaq…
yaşamaqdan ölmək…

Bu gündə yalanına sığınmaq istədim,
dayanlamaq istədim
mən aldanmadim ki,
sadəcə inanmaq istədim
yaşadıqlarıma…

06.06.2012

You may also like

Şərh yaz

Layihə haqqında

Sayt Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə hazırlanmışdır.

Saytın məzmunu

Saytın məzmunu DGTYB İctimai Birliyinin cavabdehliyindədir, bu baxımdan saytın məzmunu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin mövqeyini əks etdirmir.

Bizim Yazı ©2022 – Bütün hüquqları qorunur.