“İskəndər Pala ilə ədəbi-fəlsəfi fikir gecəsi” keçiriləcək
“Babildə ölüm, İstanbulda eşq”, “Şah və Sultan”, “OD” və bir çox başqa populyar romanların müəllifi İskəndər Pala bu il sentyabr ayının 16-dan 19-dək Bakıda səfərdə olacaq. “Azərbaycan Beynəlxalq Araşdırmalar İnstitutu” İctimai Birliyinin sədri, millət vəkili Qənirə Paşayevanın dəvəti və təşkilatçılığı ilə baş tutan səfər yazıçının respublikamıza ilk səfəridir.
Avrasiya Araşdırmaları İnstitutu İctimai Birliyinin rəhbəri, millət vəkili Qənirə xanım Paşayevanın təşəbbüsü ilə ünlü türk yazıçısı İsgəndər Palanın böyük Yunus Əmrə haqqında qələmə aldığı “OD” romanının Azərbaycancaya uyğunlaşdırılaraq Bakıda nəşrindən sonra daha bir layihə gerçəkləşdirilib. Yenicə işıq üzü görən “Ədəbi Nobel antologiyası”nı sözün gerçək anlamında mədəni həyatımızın sanballı hadisələrindən biri adlandırılmaq olar.
Layihənin rəhbəri və ön sözün müəllifi dr.Qənirə Paşayevadır. Antologiyanı yazışı-tərcüməçi Nəriman Əbdülrəhmanlı tərtib edib və çapa hazırlayıb, redaktorları NURAFİZ və Əkbər Qoşalıdır. “Qanun” Nəşrlər Evində nəfis tərtibatla çap olunmuş 816 səhifəlik antologiyada dünyanın ən nüfuzlu ədəbi ödülü olan ədəbiyyat üzrə Nobel ödülünün təsis edilməsindən keçən 110 il ərzində bu şərəfə layiq görülmüş 67 nasirin yaradıcılığı təqdim olunub.
İstedadlı gənc fantastika yazarı Vüsal Nurunun “999” adlı yeni romanı çap olunub.
Triller janrında qələmə alınmış roman qotik (Gothic) ədəbiyyat örnəyidir.
Şair-publisist Ehtiram İlhamın redaktorluğu ilə işıq üzü görən kitab “Araz” nəşriyyatında çap olunub.
Əsər qara maqiya, rituallar, vampir qadınlar, ölülər aləmi, ruhlar, dəhşət, amansız zorakılıqlardan bəhs edir. Əsərin ideyası qadın zorakılığına, qadın hüquqsuzluğuna, xəyanətə qarşı etirazdır.
Roman 17 yaşından yuxarı oxucular üçün nəzərdə tutulub.
Kitabı şəhərin bütün kitab mağazalarından və metropolitenin satış nöqtələrindən əldə etmək olar.
Gənc yazar Hafiz Hacxalılın yeni – sayca beşinci kitabı çapdan çıxıb.
“İşıq” adlanan kitabda yazarın vətənə, torpağa, doğulub boya-başa çatdığı (- 1988-ci il olaylarından sonra uzaq düşdüyü) ata ocağına həsr etdiyi şeirlər, habelə hazırda zabit olaraq xidmət etdiyi daxili işlər orqanlarından bəhs edən yazılar yer alıb.
“Qanun” Nəşriyyat Evi Qabriel Qarisa Markesin “Qaçırılma” romanını nəşr edib. Bu əsər nədən bəhs edir?
Kolumbiya, narkotik qaçaqmalçılığı və Pablo Eskobar. Bu üç söz ötən əsrin 80-90-cı illərində dünyanın başağrısına səbəb idi. Yüzillik daxili müharibələrdən, üsyançı-partizanlardan qurtulub davamlı sülhə qovuşa bilməyən bir ölkədə bir qrup jurnalistin qaçırılmasından bəhs edən bu kitabda yenə də həmin üç söz ilk sırada durur.
HÂR-I BÜLBÜL
Dizi Adı: Şiir
Cilt Bilgisi: Amerikan Cilt
Kağıt Bilgisi: 60 gr. Enzo Lüks
Basım Tarihi: 2012
Basım Sayısı: 1. Basım
Sayfa Sayısı: 118
Boyut: 13,5*21
ISBN No: 978-605-5413-87-3
Gənc şairlər Fərid Hüseyn və Şəhriyar Hacızadə öz təqsirsizliklərini sübut edəcəklər
Bu il aprelin 29-da Güney Azərbaycana Poeziya festivalına getmiş və mayın 2-də Təbrizdə saxlanılmış gənc şairlər Fərid Hüseyn və Şəhriyar Hacızadənin məhkəməsi avqustun 7-ə təyin olunub.
Respublikamızın Təbriz Baş konsulluğuna verilən bilgiyə (şairlərin sözlərinə) görə, onlar İrana icazəsiz gəlməkdə ittiham olunurlar.
Qeyd edək ki, gənc şairlərin həbsindən sonra Azərbaycan Xarici İşlər Nazirliyi İrana 5 dəfə nota verib və yalnız uzun danışıqlardan sonra iyulun sonlarında şairlərin valideyinləri və Azərbaycan diplomatlarına onlarla görüş üçün şərait yaradılmışdır.
Xalq Yazıçısı ELÇİNin “Mahmud və Məryəm” romanı əsasında ekranlaşdırılan eyniadlı filmin Azərbaycanda aparılan çəkilişləri başa çatmışdır. Bundan sonra filmin əsas hissələri Türkiyədə lentə alınacaqdır.
AzərTAc xəbər verir ki, 11 gün ərzində Şəki, Qax, Qəbələ və Bakıda gərgin çəkilişlər aparılmışdır. Azərbaycan və Türkiyənin birgə işi olan “Mahmud və Məryəm” tammetrajlı filminin ölkəmizdəki son çəkilişləri İçərişəhərdə yerləşən “Karvansaray”da gerçəkləşmişdir.
Film Azərbaycanın “Salnamə” studiyası və Türkiyənin “24 Kare Film” şirkəti tərəfindən istehsal olunur.
Filmin prodüseri Sevda Kayğısız, quruluşçu rejissoru Mehmet Ada Öztekindir.
Müqəddəs Ramazan ayında millət vəkili Qənirə Paşayevanın “Turan” və “Əlvida albomlarının möhtəşəm təqdimatı keçirilib
Bakıda “Cıdır” restoranında millət vəkili, Azərbaycan Yazıçılar Birliyinin üzvü Qənirə Paşayevanın şeirlərinə bəstələnmiş mahnı və kompozisiyalardan ibarət 2 albomun möhtəşəm təqdimat mərasimi keçirilib.
Bu albomlardan biri vətənpərvərlik mahnıların toplandığı “Turan” albomudur. Albomda “Vətən” sözünün hər bir məqamını özündə cəm edən 8 mahnı yer alıb. İkinci albom isə “Əlvida…” adlanır və burada 16 mahnı yer alıb. Təqdimat mərasimində millət vəkilləri, bir sıra şirkət rəhbərləri, müğənnilər, bəstəkarlar, ziyalılar, media və ictimaiyyətin bir sıra nümayəndələri iştirak edib.
Asif Atanın yaratdığı Mütləqə İnam Dünyabaxışını əhatə edən əsərlərin bir arada toplandığı “On Kutsal Bitik”in dördüncü cildi – “Fəlsəfənin Təməli” işıq üzü görüb (Bakı, “Qanun”, 2012, 232 səhifə).
“Fəlsəfənin Təməli” Asif Atanın iki Kitabı özündə birləşdirir: “İnam Fəlsəfəsi” və “Təməl”.
Cilddə yaradıcısının adıyla “İnam Ata Sivilizasiyası”, mahiyyətinə görə “Mütləqə İnam Sivilizasiyası”, ulusal kimliyinə görə “Türk Sivilizasiyası” adı ilə yeni ümumbəşər sivilizasiyası yaranmasına səbəb olacağı düşünülən dünyabaxışın fəlsəfəsi və ruhaniyyatı təqdim olunur.