YENİLİKLƏR

Xalq şairi Fikrət Qoca: «Elçin Mirzəbəyli öz poeziyası ilə nəinki təəccübləndirir, hətta insanları yaşamağa, həyatı sevməyə, mübarizəyə səsləyir»

Dünən Yazıçılar Birliyinin NATƏVAN Klubunda şair-publisist, «Xalq cəbhəsi» qəzetinin baş redaktoru Elçin Mirzəbəylinin «Poz bu sükutu» kitabının müzakirəsi keçirilib. Xatırladaq ki, «Poz bu sükutu» Elçin Mirzəbəylinin dördüncü kitabıdır. Kitabda onun müxtəlif illərdə yazdığı şeirlər, esselər və publisistik məqalələrdən seçmələr yer alıb. Şairin ilk kitabı olan «İtirilmiş vaxtın adamı» 2002-ci ildə çap olunub. «Poz bu sükutu» kitabına ön sözü ünlü şair Musa Yaqub yazıb.

Azərbaycanın uluslararası aləmdə tanınmış yeni nəsil aydınlarından biri, şair, professor Elçin İsgəndərzadənin Türk Dünyası elminin və ədəbiyyatının layiqli dünya təmsilçilərindən biri olmasından bəhs edən iki kitab bu günlərdə qardaş Türkiyədə işıq üzü görüb.
İzmir şəhərində KIBATEK (Kıbrıs, Balkanlar, Avrasya Türk Edebiyatları Kurumu) yayınları seriyası altında çap olunan “Lalələr, lalələr, lalələr…” adlı kitab təşkilatın qurucu prezidenti Fəyyaz Sağlam tərəfindən qələmə alınmışdır.

Ocaq Günsırası (təqvimi) ilə 25 Ata Ayı, 34-cü ildə (sentyabr, 2012) Mütləqə İnam Ocağı “Ata Günü” Mərasimini həyata keçirir. Bu Mərasim Ocağın başqa tədbirlərindən fərqli olaraq ancaq Ocaq Evladlarının qatqısı ilə gerçəkləşir. Mərasim özündə konkret Ocaq məzmunu daşıyır. Bu məzmun Qurumun sınırları ilə məhdudlaşmır. Ona görə Asif Atanın yaş yubileyi keçirilmir, Ömrü, İşi, Dünyabaxışı öyrənilir və təqdim olunur. Ocaq hesab edir ki, bu “Gün” Azərbaycan və bütövlükdə türk etnosu üçün ruhani dəyərdir. Asif Atanın yaşadığı aqibəti, apardığı milli-ruhani mübarizəsi, ideyalarının bəşəri siqləti bunu deməyə əsas verir.

AMEA Nizami adına Ədəbiyyat İnstitutunun “Türk xalqları ədəbiyyatı” şöbəsinin elmi işçisi, araşdırmaçı yazar Xalidə XALİDdən aldığımız bilgiyə görə, Türkiyə Cümhuriyyətinin Azərbaycandakı Böyükelçiliyinin mədəniyyət müşaviri Seyid Əhməd Arslan və müşavir yardımçısı Mehin Tağıyeva dünən (19.09.2012) şöbənin qonağı olublar.
Görüşü giriş sözü ilə şöbənin başçısı filologiya üzrə fəlsəfə doktoru Arif Əmrahoğlu açaraq qonağa şöbənin yarandığı 3 il ərzində görülən məhsuldar işlər haqqında bilgi verib.

“İskəndər Pala ilə ədəbi-fəlsəfi fikir gecəsi” keçiriləcək

“Babildə ölüm, İstanbulda eşq”, “Şah və Sultan”, “OD” və bir çox başqa populyar romanların müəllifi İskəndər Pala bu il sentyabr ayının 16-dan 19-dək Bakıda səfərdə olacaq. “Azərbaycan Beynəlxalq Araşdırmalar İnstitutu” İctimai Birliyinin sədri, millət vəkili Qənirə Paşayevanın dəvəti və təşkilatçılığı ilə baş tutan səfər yazıçının respublikamıza ilk səfəridir.

İstedadlı gənc fantastika yazarı Vüsal Nurunun “999” adlı yeni romanı çap olunub.

Triller janrında qələmə alınmış roman qotik (Gothic) ədəbiyyat örnəyidir.
Şair-publisist Ehtiram İlhamın redaktorluğu ilə işıq üzü görən kitab “Araz” nəşriyyatında çap olunub.
Əsər qara maqiya, rituallar, vampir qadınlar, ölülər aləmi, ruhlar, dəhşət, amansız zorakılıqlardan bəhs edir. Əsərin ideyası qadın zorakılığına, qadın hüquqsuzluğuna, xəyanətə qarşı etirazdır.
Roman 17 yaşından yuxarı oxucular üçün nəzərdə tutulub.
Kitabı şəhərin bütün kitab mağazalarından və metropolitenin satış nöqtələrindən əldə etmək olar.

Gənc yazar Hafiz Hacxalılın yeni – sayca beşinci kitabı çapdan çıxıb.

“İşıq” adlanan kitabda yazarın vətənə, torpağa, doğulub boya-başa çatdığı (- 1988-ci il olaylarından sonra uzaq düşdüyü) ata ocağına həsr etdiyi şeirlər, habelə hazırda zabit olaraq xidmət etdiyi daxili işlər orqanlarından bəhs edən yazılar yer alıb.

“Qanun” Nəşriyyat Evi Qabriel Qarisa Markesin “Qaçırılma” romanını nəşr edib. Bu əsər nədən bəhs edir?

Kolumbiya, narkotik qaçaqmalçılığı və Pablo Eskobar. Bu üç söz ötən əsrin 80-90-cı illərində dünyanın başağrısına səbəb idi. Yüzillik daxili müharibələrdən, üsyançı-partizanlardan qurtulub davamlı sülhə qovuşa bilməyən bir ölkədə bir qrup jurnalistin qaçırılmasından bəhs edən bu kitabda yenə də həmin üç söz ilk sırada durur.