Ana səhifə BAŞ YAZI 12.12.12.-də yazılan şeir…

12.12.12.-də yazılan şeir…

Müəllif: Bizim Yazı
671 baxış

Günay ÜMİD

Ay ana, bu ömür nəfəs boydaymış

Başımı fikire söykədim yenə …
Bu fikir yastığı əzir başımı…
Ay ana, bu ömür nəfəs boydaymış,
Ölüm ağrı-ağrı gəzir başımı…

Qapı -pəncərəsi bağlı bu evin
Yuxum hara qaçıb bu evdən, ana?
Əzilmiş şeirlər döşəmə üstə,
Onu kitab-kitab yığmaz bu balan…
Çoxdandı bu yataq qəbir kimidir,
Beşik ayağına sığmaz bu balan…

Tıxa qulağıma layla səsini,
Bələ gözlərimi yuxuyla mənim…
Arzu urəyində, muradlarında
Azdırım bu evi, azdırım, ana,
Sehirli xalçanın qanadlarında…

Çoxdan kədərimə oxşayiram mən
İnanma, uşaqlıq bəyənə məni,
Onsuz da nağıllar əynimə gəlmir,
Yama nağıllarin əyninə məni…

You may also like

Şərh yaz

Layihə haqqında

Sayt Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə hazırlanmışdır.

Saytın məzmunu

 

Saytın məzmunu DGTYB İctimai Birliyinin cavabdehliyindədir, bu baxımdan saytın məzmunu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin mövqeyini əks etdirmir.

Bizim Yazı ©2022 – Bütün hüquqları qorunur.