Hakimiyyət beynəlxalq hüququn imkan verdiyi bütün addımları atır. – Əli Həsənov
“Azərbaycan hakimiyyəti İranda həbsdə saxlanan azərbaycanlı şairlərin taleyi ilə bağlı beynəlxalq hüququn imkan verdiyi bütün addımları atır”.
Bunu jurnalistlərə açıqlamasında Prezident Administrasiyası ictimai-siyasi məsələlər şöbəsinin müdiri Əli Həsənov deyib: “Müvafiq qurumlar tərəfindən İran hökuməti ilə danışıqlar davam etdirilir. İran hökumətinin bu insanları nəyin əsasında həbs etdiyini və onların taleyi ilə bağlı nə düşündüyünü müvafiq qurumlar öyrənir”.
Xatırladaq ki, Azərbaycan şairləri Fərid Hüseyn və Şəhriyar del Gerani (Hacızadə) iki ay öncə İranda həbs olunublar.
(“Olaylar”)
