Dəmir ÇEŞMƏLİ
(Dəmir Yusifov; 1950-ci ildə Tovuzun Həsənli kəndində doğulub. İxtisasca hüquqşünasdır. Hazırda Qida sənayesi Kollecinin müəllimidir. İndiyədək 4 şeir kitabı gün üzü görüb.)
MƏNİ
Seli sellənib gözləyir,
Gülü güllənib gözləyir.
Daşı dillənib gözləyir,
Aparın dağlara məni…
Bir gözəlin ahı qalıb,
Ölməyib günahı qalıb.
O dərə, o kaha qalıb,
Aparın dağlara məni.
(Çağdaş gözəlləmələr)
***
Zümrüdə
Səni unutmaqmı olar,
Anıram, Züzü, anıram.
Od olub düşdün canıma,
Yanıram, Züzü, yanıram.
(Nağıl)
Qədim zamanlarda bir kənndə çox varlı adamlar yaşayırdilar. Niyə onlar elə varlı idilər? Ona görə ki kəndlilər dağ tenrusının özü ilə dostluq edirdilər. Buna görə də dag tenrusu onlara bol məhsul əldə etməyə, ziyanverici həşəratları və pis qüvvələri qovmaga kömək edirdi. Hər payız o daglara gedir və oradan kəndin vəziyyətinə nəzarət edirdi. Yazda isə kəndə qayıdırdı. Kəndlilər isə onu səbirsizliklə gözləyir və o gəlməmiş heç vaxt taxıl əkmirdilər. Dağ tenrusu çox urəyiaçıq, həm də utancaq: idi. Gah təvazökarlıqdan onun üzü qızarırdı, gah da utandığından üzünü gizlədirdi, lap cavan qız kimi…
“BizimYAZI” sayın YUSİF GÜNAYDINı qarşıdan gələn 65 illik yubileyi münasibəti ilə ürəkdən qutlayır, yeni yaradıcılıq uğurları, möhkəm can sağlığı, işavandlığı diləyir!
Yubilyara ünvanlanmış şeirlərdən oluşan “Poeziya buketi” ona hədiyyəmiz olsun!
Hafiz HACXALIL
AĞLAMA
Anam, o qəbrin üstə,
Töküb də dil, ağlama..!
Sən Şəhid Anasısan,
Gözünü sil, ağlama..!
Günay Həsənli
(20 Yanvar şəhidlərinin xatirəsinə həsr olunur)
Günəş üfüqdən boylandı, onun al şəfəqləri yerdəki qarın üzərinə səpələndi. Sakit bir qış səhəri idi. Bu sakitlik o sakitliklərə bənzəmirdi. Sanki fəlakətdən öncəki sakitliyi xatırladırdı.
Həmin gün Lalənin doğum günü idi. Beş ili tamam olurdu onun dünyaya göz açmasının. Doğum gününün nə olduğunu anlamırdı, sadəcə o bilirdi ki həmin gün hamı ona hədiyyələr alacaq. Lalə o qədər sevinirdi ki, sevincindən baxışlarından sevgi damırdı. Gah mətbəxdə qızı üçün tort bişirən anası Gülnazın, gah da yemək hazırlayan nənəsi Pərinin yanına qaçırdı. Anasının bişirəcəyi tortun hazır olmasını dörd gözlə gözləyirdi. Atası Sakit isə şənbə gününü fürsət bilib, dostlarıyla istirahət etmək üçün çıxmışdı evdən.
***
Bu gecə qəribdi ruhum, ovqatım,
Özünə yox, özgələrə bənzəyir…
Dalğından dalğındı… Dar-dağınıqdı…
Bu saat
hər zaman getdiyim yolda
azaram,
Sevdiyimi sevməz,
Gördüyümü görməzəm sanki…
Düyünlənmiş taleyimə bu kədər…
LAMİYƏ İSAZADƏ
(Lamiyə Ədalət qızı İsayeva)
12 may 1989-cu ildə Gəncədə doğulub.
Gəncə Humanitar Kollecində oxuyub.
İnsan ömrü…
Çatlamış saxsıda suya bənzəyir,
insanın həyatı, həyatın özü…
İçsək də tükənir, heç içməsək də,
rüzgar kimi keçir insanın ömrü.
ƏLHƏM DƏŞTİ (HÜSEYNZADƏ) –
1994-cü ildə Bakı şəhərində doğulub. Klassik janr(lar)da şerlər yazır. Vaxtaşırı Maştağada təşkil olunan “Meraci-süxən” ədəbi məclisində iştirak edir. Hazırda Odlar Yurdu Universitetinin Filologiya fakültəsinin IV kurs tələbəsidir.
***
Üzün ki yadə düşür, aşiqin xəyalə düşür,
Xəyalən olsa da, o, məclisi-vüsalə düşür.
Ləbin verir qədəhə rəngini sən içdikcə,
Ləbindən aldığı rəngə həmin piyalə düşür.
Yusif GÜNAYDIN
Yeni şeirlər
MƏMMƏD ASLANA AĞI
Niyə ayrılığa tələsdin axı,
Şəkil çəkdirmədik, heyif, səninlə.
Çıxaydıq dağlara bir yaz sabahı,
Çığalı təcnisdən deyib səninlə.