YENİLİKLƏR

“Oğuz eli” qəzetinin “Yazıçı” adlı özəl buraxılışının 2012-ci ildə ilk sayı şairə Zərəngiz Dəmirçi Qayalıya həsr olunmuşdur

AzərTAc-ın müxbiri, Qazax ədəbi mühitinin yetişdirməsi olan şairə Zərəngiz Dəmirçi Qayalının (Mansurova) 50 yaşı tamam olur.
Bu münasibətlə “Oğuz eli” qəzetinin “Yazıçı” adlı xüsusi buraxılışının 2012-ci ildə ilk nömrəsi şairəyə həsr olunmuşdur. Burada xalq şairləri Fikrət Qocanın, Hüseyn Arifin, Prezident təqaüdçüsü İlyas Tapdığın, Milli Məclisin mədəniyyət komitəsinin sədri, AMEA-nın müxbir üzvü, professor Nizami Cəfərovun və digər qələm adamlarının Zərəngiz Dəmirçi Qayalı barədə müxtəlif vaxtlarda yazdıqları ürək sözləri toplanmışdır.

İLESAM Genel Merkez Yönetim Kurulu’nun aldığı kararla, İlim ve edebiyat alanında ülkemize ve insanlığa hizmet etmiş ve seçkin eserleriyle katkıda bulunmuş bilim ve edebiyat adamlarını teşvik etmek amacıyla “İLESAM Ödül Yönergesi” yeniden düzenleniş internet üzerinden ve dilekçeyle aday olanların başvuları alınmıştı. Komisyonlarımız yaptıyı çalışmayı tamamladı ve ödüle lâyık görülen isimler belli oldu. İLESAM Genel Başkanı Mehmet Nuri Parmaksız, 7 Ocak 2012 Cumartesi günü saat 14’te İLESAM Kültür Evi’nde ödüle lâyık görülen isimleri basın açıklaması ile ilân etti. İLESAM 2011 Ödül töreni Mart-Haziran ayı içinde yapılacaktır.

“YeniAvropa” qəzetinin qurucu-baş redaktoru, yazıçı-publisist Yusif Məhəmmədoğlunun yeni – sayca beşinci yazılağı (kitabı) işıq üzü görüb. Yusifin  şeirlərini topladığı “Məni belə tanı sən” adlı bu yeni yazılağının “önsöz”ünü yazıçı-dramaturq Əyyub Qiyas yazıb. “Bilik” NPB-də nəfis tərtibatla gün üzü görən yazılağa Elbariz Məmmədli və Ehtiram İlham redaktorluq, Nəvai Metin Məmmədoğlu isə rəssamlıq edib.

p.s. “Kitab” yerinə “Yazılaq” sözünü ilk dəfə burada işlətdik. Söz olaraq düşərli, Yusif üçün halal olsun! (“Yazılağ“ı bəyənməyənlər “Bitik” də deyə bilərlər…)

“Apostrof” nəşriyyatında gənc yazar Dilqəm Əhmədin “Bozqırdan uçuruma” adlanan ilk kitabı çap olunub. Kitab “Sərgərdan” adlı povestdən, hekayələr və içsəslərdən ibarətdir. Kitabın ön sözündə müəllif yazır: “Bozqır azadlığımız, uçurum uğursuzluğumuzdur. Bu gün elə bir dönəmdəyik ki, hər bir fərdin azadlığı dəyişik yollarla sınırlandırılıb, mücadilə aparanlar isə uçurumun kənarına yuvarlanıblar. Bozqırdan sürgün olunaraq uçurumun qarşısında dayanarkən geridə buraxılan hisslər, sevgilər, düşüncələr təkrar-təkrar xatırlanır, məhz bu xatırlanmalar bizim uçurumdan aşağıya atlamağımızın qarşısını alır. “Bozqırdan uçuruma” adlandırdığım bu kitabda cəmiyyətin müxtəlif fərdlərinin uğursuzluğu əks olunub. Bu uğursuzluq əsla yenilgi deyildir. Bu gün əsas olan uçurumun kənarında olsaq belə, mətinliyi qorumaqdır. Uçurumdan bozqıra doğru geri dönüləcək yol isə çox da uzaqda deyildir”.

Dekabrın 29-da Azərbaycan Yazıçılar Birliyinin (AYB) “Natəvan” klubunda mərhum şair Şahmar Əkbərzadənin 70 illik yubileyi qeyd olunmuşdur.
AYB-in katibi Rəşad Məcid bildirmişdir ki, ölümündən 10 ildən artıq vaxt keçməsinə baxmayaraq, Ş.Əkbərzadənin insan sevgisi, vətənpərvərlik kimi həmişəyaşar duyğular bəxş edən poeziyası yenə də diridir, bizim müasirimizdir.
Şair Musa Yaqub isə Ş.Əkbərzadəni Azərbaycan ədəbiyyatının şəhidlərindən hesab etdiyini bildirmişdir.

18.12.2011-ci ildə (saat 12:00)  Oktay Hacımusalının “Bu vaxtın sahibi” roman-gündəliyinin təqdimatı keçiriləcək. Təqdimat “Əli və Nino” kitab dükanları şəbəkəsinin “Bakı, Nizami küçəsi-91” ünvanda (Gənc Tamaşaçılar Teatrı ilə üzbəüz) yerləşən dükanında gerçəkləşəcək.

Dekabrın 11-də (bazar günü) saat 13-00-da millət vəkili Qənirə Paşayevanın növbəti imza günü keçiriləcək. Ötən ayın satış lideri olmuş «Onun sevgi məktubları» romanını almaq və müəllifə imzalatdırmaq istəyənlər bazar günü «Əli və Nino» kitab dükanları şəbəkəsinin Nizami küçəsi-91 (Gənc Tamaşaçılar Teatrı ilə üzbəüz) ünvanında yerləşən dükanına baş çəkə bilərlər.

03 dekabr 2011-ci ildə Ərzurumda şair və ozanlar gecəsi keçiriləcək. Gecədə Azərbaycandan İbrahim İlyaslı, Əkbər Qoşalı, Səhər, Şəfəq Sahibli, gənc aşıqlar Səyyad Aydınoğlu, Sevil Xıdırlı və Ziyad Cəfərli, Türkiyədən isə Rıdvan Canım, İsmayıl Bingöl, Yaşar Gənc və başqaları iştirak edəcəklər.

Tanınmış yazıçı və jurnalist aldığı xəsarətlərdən bu gün keçinib

Noyabrın 19-da saat 22 radələrində bıçaqlanan tanınmış yazıçı və jurnalist Rafiq Tağı Kliniki Tibbi Mərkəzdə dünyasını dəyişib. Bu barədə Lent.az-a xəstəxananın baş həkimi Tərlan Bəbirov məlumat verib. T.Bəbirovun sözlərinə görə R.Tağının meyiti ekspertizaya göndərilib.

Hələlik saxlanılan yoxdur

Tanınmış yazıçı və jurnalist Rafiq Tağının bıçaqlanması faktı ilə əlaqədar cinayət işi başlanılıb. Xətai rayon Polis İdarəsindən Lent.az-a verilən məlumata görə, noyabrın 19-da Xətai rayonu, Xətai prospektində yerləşən avtobus dayanacağının yaxınlığında 1950-ci ildə Masallı rayonunun Xançobanlı kəndində anadan olmuş, hazırda Bakı şəhərində yaşayan Tağıyev Rafiq Nazir oğlunun bıçaqlanması ilə əlaqədar Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə iş başlanılıb.