Ana səhifə YENİLİKLƏR Çağdaş Azərbaycan şeiri gürcücə…

Çağdaş Azərbaycan şeiri gürcücə…

Müəllif: Bizim Yazı
392 baxış

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Azərbaycan-Gürcüstan ədəbi-mədəni əlaqələrinin inkişafına dəstək” adlı yeni layihənin icrasına start verilib. “Türk Dünyası İnfo” İctimai Birliyinin 3 ay müddətinə həyata keçirəcəyi bu layihə konkret olaraq, ədəbi ictimaiyyətin qəbul etdiyi Azərbaycan şairlərinin əsərlərinin xaricdə tanıdılması istiqamətini seçib.

Birliyin başqanı, tanınmış şair Dəyanət Osmanlı bldirib ki, istiqamət çağdaş Azərbaycan poeziyasının qonşu və dost ölkə olan Gürcüstanda ictimai, elmi, ədəbi mühitdə təbliğidir və Azərbaycan-Gürcüstan ədəbi-mədəni ilişkilərinin inkişafına kömək məqsədi daşıyır. Layihə çağdaş Azərbaycan ədəbiyyatının dəyərləndirilməsi baxımından qonşu Gürcüstanda ədəbi yaradıcılıqla məşğul olan insanlara, elmi-ədəbi ictimayyətə, ümumən geniş auditoriyaya, özəlliklə, yeni nəsil ədəbiyyatçılara ünvanlanıb. Azərbaycanda ədəbi ictimaiyyətin tanıdığı 10-15 istedadlı şairin şeirləri secilərək gürcü dilində “Çağdaş Azərbaycan poeziyası” adlı antologiyada kitablaşdırılacaq. Artıq bu yöndə zəruri işlərin bir qismi görülüb.
Kitab nəşr olunduqdan sonra Tiflisdə və Bakıda təqdimat törənləri keçiriləcək. Sözügedən kitabın nəşri ilə çağdaş Azərbaycan poeziyasının tanıtımı mövzusu ölkə mediasında və Gürcüstanda elmi, ədəbi-mədəni ictimaiyyətin diqqətinə təqdim olunacaq.

You may also like

1 şərh

iman usuboglu 2015-10-07 - 12:57

Dövlət təşkilarlarımıza,xidməti olanların hamısına,ayrılıqda şair Dəyanət Osmanlı qardaşımıza təşəkkür edirik.

Cavab

Şərh yaz

Layihə haqqında

Sayt Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə hazırlanmışdır.

Saytın məzmunu

Saytın məzmunu DGTYB İctimai Birliyinin cavabdehliyindədir, bu baxımdan saytın məzmunu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin mövqeyini əks etdirmir.

Bizim Yazı ©2022 – Bütün hüquqları qorunur.