Bugünlərdə “Facebook”dakı “Kitabsevərlər” qrupunun 11-ci kitabı olan Astrid Lindqrenin “Biz Saltkrok adasındayıq” romanı Bakıda gün üzü görüb. – Kitab ilk dəfə Azərbaycan dilində 1976-cı ildə nəşr olunub; sözügedən qrup isə 40 il sonra əsəri latın qrafikası ilə yenidən oxucu ixtiyarına verib.
1964-cü ildə gün üzü görən əsərdə insanın müxtəlif yaş dövrlərində yaşama və çevrədəkilərə baxışı, yanaşma tərzi təsvir olunur, gerçəkliklər axıcı tərzdə oxucuya çatdırılır.
Əsərin təqdimatı 22 may, saat 13:00-da “İçərişəhər. BookHouse&Café”-də baş tutacaq.
(Kitabın qiyməti 6 manatdır.)
Cavid QƏDİR / 525.az
