…Tehranda ilk dəfə Azərbaycan və fars dillərində nəşr olunub
Mirzə Cahanşah Həqiqinin “Divan”ı Tehranda ilk dəfə Azərbaycan (latın və ərəb qrafikalı əlifbalarda) və fars dillərində nəşr olunub.
Tədqiqatçı və naşir Firuz Refahi Ələmdarinin bildirdiyinə görə, kitab Tehran Universitetinin mərkəzi kitabxanasından tapılmış orijinal nüsxə əsasında çap edilib. Tədqiqatçı qeyd eib ki, Qaraqoyunlular sülaləsinin ikinci hökmdarı olan Mirzə Cahanşah Həqiqi dövrünün ən istedadlı şairlərindən olmuşdur. Onun Azərbaycan və fars dillərində yazdığı “Divan”ının orijinal nüsxələrindən biri Ermənistan Milli Elmlər Akademiyasının Əlyazmalar İnstitutunda, digəri isə Londonun Mərkəzi Kitabxanasında saxlanılır. Tədqiqatçı tərəfindən Tehran Universitetində tapılmış nüsxə isə “Divan”ın şairin öz xətti ilə daha mükəmməl yazılmış variantıdır. Əlyazmanın mətni olduğu kimi köçürülmüş, əlavə olaraq latın qrafikalı Azərbaycan əlifbasında yığılmış və orijinal nüsxənin fotosurəti ilə birlikdə kitabda yerləşdirilmişdir.
//AzərTAc
