“Qanun” Nəşriyyat Evi Qabriel Qarisa Markesin “Qaçırılma” romanını nəşr edib. Bu əsər nədən bəhs edir?
Kolumbiya, narkotik qaçaqmalçılığı və Pablo Eskobar. Bu üç söz ötən əsrin 80-90-cı illərində dünyanın başağrısına səbəb idi. Yüzillik daxili müharibələrdən, üsyançı-partizanlardan qurtulub davamlı sülhə qovuşa bilməyən bir ölkədə bir qrup jurnalistin qaçırılmasından bəhs edən bu kitabda yenə də həmin üç söz ilk sırada durur. Savaşın bir an belə göz yummadığı, kimin məsum, kimin müqəssir olması anlaşılmayan, hər kəsin öz ədaləti və meyar tərəzisi olduğu məmləkətdə, əlbəttə, bir insanın qətli, qaçırılması, yaxud itkin düşməsi sıradan bir hadisədir. Amma bu əsərin qəhrəmanları birləşərək param-parça olmuş cəmiyyətin böyük hissəsini, haqq mövqeyində durmağa məcbur edə bilib.
“Qaçırılma”nın Türkiyə türkcəsindən Azərbaycancaya uyğunlaşdıran Əziz Rzazadə, redaktoru Elçin Zahiroğludur.
//Modern.az
