“Kim olduğumu özüm çox yaxşı bilirəm və özümə güvənirəm”

Əkbər QOŞALI  “Mərkəz”in “Tez-bazar”ında…

– Özünüzü 2 sözlə təqdim edin.
– Bir söz yetər: ƏKBƏR.

–  Sizi necə təqdim edəndə razı qalırsız?
– Baxır adamına.
– “Mən kiməm?” sualına necə cavab verirsiniz?
–  Kim olduğumu özüm çox yaxşı bilirəm və özümə güvənirəm.
– Dost…
– Dost – mənim dostum Yolçu Əvəzoğlu deməkdir.
– İlk sevginiz?
– Oldu, getdi… Bitdi də bitmədi…
– Əsas ixtisasınız?
– Birinci diplomuma “Mühəndis”, ikinci diplomuma “dövlət və bələdiyyə idarəetməsi” (istiqaməti) yazılıb…
– İstifadə etdiyiniz nəqliyyat növü?
– Hələlik, ictimai nəqliyyat…
–  Sevdiyiniz maşın markası?
–  Uşaqlıqda düşünürdüm, böyüyərkən “Niva” alacam, indi isə, əgər bu gün araba alası olsam “Prado”ya üstünlük verirdim.
– Sevdiyiniz brend?
– Brenbdbaz deyiləm.
– Sevdiyiniz saç düzümü?
– Necə görürüsüz…
– Sevdiyiniz rəng?
– Baxır nədə. – İdeolojik olarq, türklük rəngi ( – göy). Geyim-keçim anlamında ağ-qara, boz…
– Ən çox sevdiyiniz ölkə?
– Azərbaycan.
– Ən çox görmək arzusunda olduğunuz şəhər?
– Təbriz!
– Sevdiyiniz yemək?
– Yemək məsələsində titizliyim yoxdu. Üstünlüyü milli mətbəxə verirəm.
– Ən çox istifadə etdiyiniz söz?
– Yəqin “Günaydın” və ya “Əfəndim” olar?
– Leksikologiyanıza yad olan söz?
– Nifrət içərən sözcüklər…
– Sizi nə həyacanlandıra bilər?
–  Uzun müddət əmək sərf etdiyim, ancaq bir türlü başarılı ola bilmədiyim işin nəhayətdə uğur gətirməsi…
– Ən çox sevdiyiniz kitab?
– Ancaq bir kitab göstərmək çətindi. Hərhalda, bu, Çingiz Aytmatovun “Əsrə bərabər gün”üdür.
– Ən çox sevdiyiniz yazar?
– Klassiklərdən İsa MUĞANNA, yeni nəsildən SƏHƏR.
– Ən çox bəyəndiyiniz ifaçı?
– Müğənnilərdən Azərin və Pərisa Arsalani, aşıqlardan Əli Ürfan və Qurban Urmulu.
– Ən çox bəyəndiyiniz musiqi janrı?
– Aşıq musiqisi.
– Özünüzdə qeyri-adi istedad hiss edirsizmi?
– Bunu başqaları dəyərləndirsə daha doğru olacaq, deyə düşünürəm.
– Mənfi xüsusiyyətiniz?
– Sadəliyimin bəzən sadəlöhvlük səviyyəsinə enməsi…
– İdeal insan necə olmalıdır?
– İnsan ideal olsa, o zaman yəqin Peyğəmbər olar…
– Özünüzü ideal insan hesab edirsizmi?
– Yox.
– Sizi özünüzdən nə çıxarda bilər?
– Ədalətsizlik, evyıxanlıq.
– Həyat fəlsəfənizi ifadə edin?
– Yaxşılıq ölməzdir! Biz qalib gələcəyik!
– Siz xoşbəxtsizmi?
– Bədbəxt deyiləm.
– Bədbəxtliyin xüsusi düsturu varmı?
– Yaşayan bilər.
– Hər şeyin sonu üçün əvvəlinə münasibətiniz necə olur?
–  “Belə olubsa, deməli olmalıymış”. – Şair demiş, “Olacaqlar olacaqlar”.
–  Ölüm niyə ölmür?
– Yaranışın hökmü belədir…
– Dinlərə münasibətiniz?
– Tanrısal dinlərə sayğılıyam.
– Kimdən və nədən xilas olmaq istərdiniz?
– Sırtıqlardan, öz yerini bilməyənlərdən.
– Falçıya inanırsızmı?
– Yox.
– Daş olmaq yaxşıdır yoxsa daşlaşmaq?
– İnsan olmaq!
– Sevinciniz nə qədərdi?
– Sevincim – sevinə bildiyim qədərdir!
-İnsanların hansı xüsusiyyətlərinə dəyər verirsiz?
– Adilliyinə, üfüqügenişliyinə.
– Bağlayıcılardan çoxmu istifadə edirsiz?
– Bağlayıcılardan, bəlkə də ən az istifadə edənlərdənəm.
– Çayı içmək ürəyinizcədir, yoxsa keçmək?
– Çayı içib, çayı keçmək.
– Gülməyi xoşlayırsız, yoxsa güldürməyi?
– Düşünməyi, düşündürməyi…
– Mənə sualınız?
– Jurnalistikada nərəyə varmağı düşünürsən?
– Hələ ki, addımlayıram.

Tural Türk

/“Mərkəz” qəzeti, 07.09.2011/