Dünya Gənc Türk Yazarlar Birliyinin üzvü, yeni nəsil yazarlar arasında seçilən imzalardan olan Valeh Qocanın yeni çap olunmuş “Yarımçıq şəkil” adlı şeirlər kitabının təqdimatı keçirilib. DGTYB-nin təşkilatçılığı ilə baş tutan tədbirdə tanınmış ədəbiyyat-mədəniyyət nümayəndələri, yeni nəsil yazarlar, mətbuat nümayəndələri, oxucular iştirak ediblər. Moderatorluğunu Turanə Şıxəliyevnın etdiyi tədbirdə Milli Məclisin eksperti Əkbər Qoşalı, yazıçı Seyran Səxavət, YAP Kəlbəcər rayon təşkilatının sədri Həbib Misirov, şair, şəhid atası Kamil Vəfadar, tanınmış alim İlham Məmmədli, şair Əyyub Cabbarov, BDU-nun Kitabxanaçılıq fakültəsinin dekanı Ələmdar Cabbarlı,Azərnəşrin direktoru Əlövsət Ağalarov, Türküstan qəzetinin baş redaktoru Aqil Camal, DGTYB başqanı İntiqam Yaşar, Subyekt.az saytının baş redaktoru Rövşən Hüseynov, şair Mənsur Həsənzadə,Əməkdar mədəniyyət işçisi Ədalət Dəlidağlı, qiraətçilər Ayna Səs, Zöhrə Xəlili və s. çıxş edərək müəllif haqqında fikirlərini bölüşüblər. Sonda müəllif şeirlərini səsləndirib, oxucular üçün kitablar imzalayıb.
