İbrahim İLYASLI
Məni aləmlərdən agah bilirsən,
Qəflətdə qafiləm, xəbərin yoxdu.
Bilən kölə bilir, sən şah bilirsən,
Sərgərdan səfiləm, xəbərin yoxdu.
Mən sənin suçlunam, budu əlacım –
Ayağım tutduqca özümdən qaçım.
Uçurulub taxtım, alınıb tacım,
Talanıb dəfinəm, xəbərin yoxdu.
Demə vurulmuşam sənin nəyinə,-
Niyə sığınmışam dar ətəyinə.
Yiyə dur dəlinə, al yedəyinə,
Adına təhviləm, xəbərin yoxdu.
2014, Sumqayıt
