Bir tərəfdə xoş arzular…
Bir tərəfdə ölmüş duyğular…
Ah, deyəsən, öləndən sonra əsas sirdaşımız bellə vəhşicə çıxardığımız otlar olacaq…
Dekorativ güllər bəzəyəndə evimizi,
Yüz manatlıq gül buketləri sevgilimizin bizə təhəmmül müddətini uzadanda
O otlar “həzincə” əsirdi soyuqdan…
Qışda donub, yazın gəlişinə ümid ilə həyatda qalırdı bir çoxu…
Güclüləri insanlara qurban getməyə,
Zəifləri torpağa qarışmağa məhkum…
Ölmürdülərmi hər iki halda?!
Xoşca qalın, əziz otlar!
Qəbrimin üstündə bitəndə məndən intiqam almayın…
Qoyun doğmalarım yollarını səhv salıb ziyarətimə gələndə təmtəraqsız evimi tapa bilsinlər…
Oğlum Dənizxanın məktəbdən çıxmasını gözləyərkən…
18.12.2025
