Ötən əsrin ortalarında Tovuz mahalında yaşayıb-yaratmış Əziz Məftun hələ sağlığında məşhurlaşmış, şeirləri dillərə düşmüş, haqqında dastanlar qoşulmuşdu.
Böyük sevginin divanəsi olan və çəkdiyi əzabları, sitəmləri yüksək poetik dillə qələmə alan şair, ən müxtəlif şeir formalarında əsərlər yaratmışdı.
Dəyərli və əziz eloğlumuz, istəkli qardaşım Bəhruz Cəfərovun dəstəyi ilə çap olunan “Leyla” adlanan bu kitabda Əziz Məftun yaradıcılığına mühüm bir hissəsini təşkil edən qoşmaları toplanıb.
Nəşrin tərtibçisi şair Ehtiram İlham, məsləhətçisi Nəbi Cəfərov, ön sözün müəllifi filologiya üzrə fəlsəfə doktoru, dosent Aynur Aydındır.
