Bizimyazi.az xəbər verir ki Özbəkistanın tanınmış şairi, Kitab dünyası qəzetinin baş redaktoru Xasiyyət Rüstəm Azərbaycan Respublikasının dövlət təltifi olan “Diaspor fəaliyyətində xidmətə görə” medalı təltif olunub. Xasiyyət Rüstəm Azərbaycan mədəniyyətinin təbliğində, Qarabağ həqiqətlərinin türk dünyası ictimaiyyətinə çatdırılmasında geniş fəaliyyəti ilə seçilən mədəniyyət nümayəndələrindəndir. Xasiyyət Rüstəmin bu vaxtacan Azərbaycanda bir neçə kitabı çap olunub. Xanım yazarın Qarabağ mövzusunda qələmə almış olduğu “44 gün” və “Adı Lalə idi o qızın” adlı kitabları xüsusilə seçilir. Xasiyyət Rüstəm Dünya Gənc Türk Yazarlar Birliyinin Məsləhət Şurasının üzvü, Azərbaycan Yazıçılar Birliyinin fəxri üzvüdür.
