Araz Elsəs Bakıda konsert verəcək

Təşkilatçıların APA-ya verdiyi məlumata görə, konsert Azərbaycan Xalq Cümhuriyyətinin yaranmasının 93 illiyi münasibətilə keçiriləcək.
Konsert mayın 29-da “Monte Karlo” şadlıq sarayında olacaq.Qeyd edək ki, A. Elsəsin mart ayında Bakıda konsert verəcəyi nəzərdə tutulsa da, konsert müəyyən səbəblərdən təxirə salınmışdı.
Araz Elsəs 27 noyabr 1971-ci ildə Güney Azərbaycanda, Sulduz şəhərində anadan olub. Uşaqlıqdan musiqiyə böyük maraq göstərən Araz daha sonra siyasi səbəblərdən çətinliklərlə üzləşərək, 1991-ci ildə Bakıya köçüb. 1997-ci ildə Avropa Yazarlar Parlamenti tərəfindən siyasi şair və ozan olaraq Norveçə çağırılıb. 2000-ci ildən isə İsveçə köçüb.