“Almanax”ın ikinci nəşrinin və audio kitabın təqdimatı keçiriləcək

(BizimYAZI AzərTAc-a istinadən bildirir:) Yanvarın 26-da Azərbaycan Yazıçılar Birliyinin “Natəvan” klubunda “İrəli” İctimai Birliyinin (İB) nəzdində fəaliyyət göstərən “Ədəbi məclis” tərəfindən çap edilmiş “Almanax” kitabının ikinci nəşrinin və audio kitabın təqdimatı keçiriləcəkdir.
“İrəli”dən bildirmişlər ki, ədəbi məclisin əsas məqsədi gənc yazarları üzə çıxarmaq, həmçinin ədəbiyyata marağı olan gənclərin tanınmış yazıçılarla görüşlərini təşkil etmək, gənclərin ədəbi sahədə məlumatlarının artırılmasına nail olmaqdır. Qurumun həyata keçirdiyi “Almanax” layihəsi çərçivəsində 20-dən çox istedadlı gənc yazarın əsəri çap edilmişdir.