Azərbaycan Respublikasının Gənclər və İdman Nazirliyi tərəfindən gənclər təşkilatlarının fəaliyyətlərinin dəstəklənməsi məqsədi ilə 2024-cü il üzrə elan edilmiş qrant müsabiqəsinin qalib layihələrindən olan, Dünya Gənc Türk Yazarlar Birliyinin “Türk dünyası gənc yazarlarının Lənkəran toplantısı” adlı layihəsi həyata keçirilir. Tədbirdə Azərbaycan və Türk dünyasının digər nöqtələrindən olan yeni nəsil yazarlar iştirak edəcək. 3 ay müddətində həyata keçirilən layihə çərçivəsində türk ölkə və topluluqlarından olan yeni nəsil yazarların yaradıcılıq nümunələri kitablaşdırılacaq. Qeyd edək ki, bu il Azərbaycanın Lənkəran şəhəri Türk dünyasının gənclər paytaxtı elan olunub.
“Türk dünyası gənc yazarlarının Lənkəran toplantısı” layihəsi həyata keçirilir
