DEBÜT:

Müəllif: Bizim Yazı
119 baxış

Gümanə MƏMMƏDLİ
(Gümanə Rasim qızı Məmmədova) –
1991-ci ildə Şəkinin Kiş kəndində dünyaya göz açıb. 2012-ci ildə “Gümanım” adlı şeirlər kitabı işıq üzü görüb. Fiziki cəhətdən əngəlli olan Gümanə öz sağlam ruhu, yazılarında öz səmimiliyi və sadəliyi ilə seçilir. Gənc yazarın bir neçə qələm məhsulunu oxuculara təqdim edirik:

Səbr, ey xəstə!

Taleh səndən küsmürəm
Əlil də olsam belə
Allah verib bu dərdi
Ondan yaxşı kim bilər
Həzrət Məhəmmədi görsəm
Ömərlə kəlmə kəssəm
Əlinin yanında otursam
Mən razıyam bu dərdə

Xəstə bezmə dərdindən
Üsyan etmə Allaha
Dərdinə verib dəva
Sən görmürsən onu
Səni bəkləyən sonu…

Gözlə bizi, Qarabağ

Mənim torpağıma qanlar bulandı
Həsrətin sinəmi yandırdı-yaxdı
Susdular dərdimizə bizim Qarabağ
Dözməyir ürəyim, ey ana torpaq.

Düzülüb meyidlər yan-yana
Kəsilmiş başlar donmuş uşaqlar
Tarix unutmayacaq bunu heç zaman
Dərdlidir Qarabağım, dərdlidir yaman

Bir olan Allaha sığınırıq biz
Ədalət yerini tapacaq bir gün
Nə düşmən, nə də ki, həsrət
Ayıra bizi Qarabağdan.

Biz gələcəyik gözlə sən bizi
Qoymarıq səni düşmən əlində
Alacaq Azərbaycan Qarabağını
Siləcək ürəyindəki həsrət dağını

Ana və gül

Gül bağçamda güllər solar
Dünya mənə zindan olar
Ömrüm-günüm yetim qalar
Sən olmasan, gözəl anam
Səndən ayrı ürək ağlar
Kim dərdimə dərman tapar
Məni həsrət dərin yaxar
Sən olmasan, gözəl anam.

Yaşayan elm

Aydın Məmmədova

Bu çətin elm yolunda keçən
Ölmüylə elmi qəmə bürüyən
Şəkinin adını uca eyləyən
Aydın müəllimə rəhmət olsun

Alıb qələmi nələr yazarmış
Bizlərə ədəbi elm qalarmış
Aydın Məmmədov ölsədə belə
Yazıq qoyduqları yaşayacaq hələ

Bu ömür yolunda ömrü qısa oldu
Maşın qəzası əzrayıl oldu
O dahi alimi bizlərdən aldı
Gümanə aydına şeir də yazdı

You may also like

Şərh yaz

Layihə haqqında

Sayt Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə hazırlanmışdır.

Saytın məzmunu

Saytın məzmunu DGTYB İctimai Birliyinin cavabdehliyindədir, bu baxımdan saytın məzmunu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin mövqeyini əks etdirmir.

Bizim Yazı ©2022 – Bütün hüquqları qorunur.