Ana səhifə BAŞ YAZI Bu adı yadda saxlayın:

Bu adı yadda saxlayın:

Müəllif: Bizim Yazı
1. 030 baxış

Elnare NUR (1994, Tovuz;

Azərbaycan Müəllimlər İnstitutu Gəncə filialının tələbəs)

Böyütmüş məni

Bu Odlar Yurdunda, Turan elində
Türklüyün qüdrəti böyütmüş məni
Heç zaman haqqını danmayanların
İzzəti-ülfəti böyütmüş məni

 

 

Haqdan yanan odun sönərmi közü
Gözəldir yurdumun ilk bahar çağı
Anamın laylası, atamın sazı
Babamın hikməti böyütmüş məni

Elnarəyəm
məğrur uca dağların
Könlümü oxşayan gözəl çağların
Üstdə yaşadığım qara torpağın
Şeiri-söhbəti böyütmüş məni

Payız gəlibdi

Təbiətin qızıl fəsli gəlibdi,
Ağaclar kövrelib boyunu əyir,
Titrəşən yarpaqlar tökülüb yerə,
Sanki ağaclara əlvida deyir .

Durna qatarları göyun üzündə,
Həsrətlə səmada bir qanad çalır,
Doğma çəmənlərə yadigar deyə,
Hərdən də yerlərə bir lələk salır.

Bir atlı yollanır dağlara tərəf,
İsti ocağına vaxtında yetir,
Atıyla yollara iz sala sala,
Dumanlı dağlarda gözlərdən itir

Gör necə dəyişir təbiət birdən,
Quşların nəğməsi, cəh cəhi kəsir,
Günəş de səmada çox az görünür,
Sərt külək dağlardan düzlərə əsir.

Bir bahar gələcək uca dağlarda,
Yazın dumanında itəcəm yenə,
Quşlarla birlikdə verib səs səsə,
Məğrur qayalarda ötəcəm yenə.

Yurd yeri

O dağlardan bir ev köçüb
Ocağında külü qalmış
Yaraşıqlı aynəbəddə
Sarmaşıqlı gülü qalmış

Evlərinin qırağında
İşığı yox çırağında
Agzısınıq darağında
Gözəllərin teli qalmış

Elnarəyəm o anların
Axıb gedən zamanların
Bu yerlərdə insanların
Bir köçdüyü ili qalmış

Dağlara dağlara

Vardır hələ deyiləcək
Sözüm dağlara dağlara
Gözəl nəğmə gözəl şeir
Yazım dağlara dağlara

Çəmənində gəzəsiyəm
Gül çiçəyin üzəsiyəm
Bir salam da deyəsiyəm
Bizim dağlara dağlara

Oba oba ellərini
Darayacam tellərini
Elnarə söz güllərimi
Düzüm dağlara dağlara

Yol ve cığır

Yol bir gun cığıra tənə eylədi
Dedi sənin ilə az adam gedir
Mənimsə bu enli böyük sinəmdən
Ən azı hər gündə yüz adam gedir

Cığır tez dilləndi, a yol qardaşım,
Nə oldu özünü böyükmü sandın
Mənə yuxarıdan aşağı baxma
Səndə cığır idin bir yola döndün

Cığır məğrur durub, yenədə dedi
Bunu eşidənlər heç mənə gülməz
Uzaq mənzillərə aparsa da yol,
Uca zirvələrə apara bilməz…

Çağlayan ürək

Dəniz sahilində durmuşam yenə,
Baxıram çırpınan o dalğalara,
Xəyal qanadına alaraq məni,
Aparır örpəkli göy səmalara.

Sanırdım firtına haray səndədi,
Qəlbimsə çağlayan bir tufan imiş,
Mən hələ bilmirdim kiçik ürəyim,
Sonsuz dəniz imiş, bir umman imiş.

Ey dəniz, böyüksən sənə baxanda ,
Qəlbim vuqarlanır, qəlbim güc alır,
Mənə maraqlıdır kiçik bir ürək ,
Sən tək çağlamağı necə bacarır?

You may also like

5 şərh

Selcan 2013-09-10 - 17:11

Elnare, senin kimi genclerle fexr edirem!

Cavab
Elnarə Nur 2013-09-20 - 22:29

Selcan xanım coğ sağolun Allah razı olsun təşəkkür edirəm.Elnarə Nur

Cavab
B.NİZAMƏDDİN 2013-09-18 - 11:11

Maşallah Allah səni və sənin nəznində ailəni qorusun . AMİN.Qələminin mürəkkəbi və ağ səhvələrin qurtarmasın ki,sənin ürəyindəki şeir ocağı əbədiyyətə qədər yansın .AMİN.Dayı oğlu B.NİZAMƏDDİN

Cavab
Fikret Bayramov 2013-09-20 - 22:33

Elnarə qızım sənə əhsən , Allah özü sənə yar,dayaq və kömək olsun.Dayın Fikrət

Cavab
aysel 2013-11-14 - 18:45

Elnare arzu edirem gelecekde ugurlarin bundanda cox olsun

Cavab

Fikret Bayramov üçün bir cavab yazın Cavabı ləğv edin

Layihə haqqında

Sayt Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə hazırlanmışdır.

Saytın məzmunu

 

Saytın məzmunu DGTYB İctimai Birliyinin cavabdehliyindədir, bu baxımdan saytın məzmunu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin mövqeyini əks etdirmir.

Bizim Yazı ©2022 – Bütün hüquqları qorunur.