Noyabrın 30-da Gürcüstanın Marneuli rayonunda Azərbaycan Respublikası Dövlət Neft Şirkətinin dəstəyi, Azərbaycan və Gürcüstan Aşıqlar birliklərinin və Gürcüstan Azərbaycanlılarının Mədəniyyət Mərkəzinin birgə təşkilatçılığı ilə tanınmış el sənətkarı Aşıq Kamandarın 80 illik yubileyinə həsr olunmuş təntənəli tədbir keçiriləcək.
Azərbaycan Aşıqlar Birliyinin mətbuat xidmətindən AzərTAc-a bildiriblər ki, tədbirdə sənətkarın həyat və yaradıcılığından söz açılacaq, ustad aşıqla şəxsən tanış olan mədəniyyət və incəsənət xadimləri xatirələrini bölüşəcəklər.
Azərbaycan, Türkiyə və İrandan sənətkarların dəvət olunduqları tədbirdə Aşıq Kamandarın yaradıcılığından örnəklər səsləndiriləcək.
Aşıq Kamandarın 80 illiyinə həsr edilmiş yubiley tədbiri keçiriləcək
əvvəlki yazı