Böyüyüm, səni sevim…

 

AFƏT VİLƏŞSOY

Beşiyim — baxışların,
Ürəyin — olsun evim.
Məni uşaq kimi sev,
Böyüyüm səni sevim.

Dərdimi elə böl ki,
Axırda kasıb qalım.
Mənimlə elə dil tap,
Qarşında susub qalım.

 

Ürəyimi bütöv al,
Daha alan olmasın.
Gözlərimə elə bax,
Kimsə gərək olmasın.

Elə danış, elə din,
Kar etməsin yalan, düz.
Əllərimi elə tut,
Ayağımı yerdən üz.

Düşünmə ki, yuxumsan,
Mən səninlə oyandım.
İstədim şeir yazım,
Oturub səni andım.

29.04.2018

Oxunma sayı: 1139

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.